Біздің ауыл көркейді

Құрашасай орта мектебінде «Ауылдың гүлденуі — Қазақстанның гүлденуі» атты марафон-эстафетаға 50 оқушы атсалысты.

Олар қала сыртындағы ауруханалар кешені маңы мен Құрашасай ауылына дейінгі тас жолдың екі жақ бетін, ауыл маңындағы «Елім-ай» және «Матай» шаруа қожалығына дейінгі жер аумақтарын қоқыстардан тазартты.

Сонымен қатар ауыл көшелерін тазарту жұмыстары тұрақты түрде жүргізіліп, ауылымыз кәдімгідей тазарып қалды. Оқушылар арасында мәдени іс-шаралар ұйымдастырылып, еңбекке баулу, тәрбие жұмыстары жүргізілді.

Ауыл тұрғындары оқушылардың табиғатты аялап, ауылды көркейтуге үлес қосқандарына дән риза болды. Еңбекпен тапқан азын-аулақ ақшаларына оқу-құралдарын алып, ата-аналарының жүгін титтей де болса жеңілдеткендеріне өздері де қуанды.

Мектеп мұғалімдері мен ауыл тұрғындары да аулаларының маңын қоқыстан тазартып, қақпаларын ауыстырып, сырлады.

Сандуғаш САҒЫНДЫҚОВА,

Құрашасай орта мектебінің кітапханашысы.

Ақтөбе қаласы.