Ой алыбы және онлайн шаралар
Еліміздегі болып жатқан төтенше жағдайға қарамастан, аудандық орталық кітапхананың ұжымы жыл басынан бері көптеген мәдени шаралар ұйымдастырып келеді. Олар қашықтан жұмыс жасап, әлеуметтік желілер арқылы 50-ден астам онлайн шаралар мен байқаулар, челлендждер ұйымдастырды.
Ұлы ақын Абай Құнанбаевтың 175 жылдық мерейтойына арналған республикалық «Бір ел — бір кітап» акциясы аясында «Абай — қазақтың бас ақыны», «Абайдың қанатты сөздері», «Адамзаттың алыбы — ұлы Абай», «Өлең — сөздің патшасы», «Абай — дана, Абай — дара», т.б. көптеген кітапханалық сағаттар мен кітап көрмелері, «Абай өлеңдері балалар көзімен», «Абай өлеңдерін оқы», «Абайдың қаламы», «Абай — біртұтас әлем», т.б көптеген аудандық байқаулар өткізілді.
— NurOtan партиясы Мұғалжар аудандық филиалымен бірлесе отырып, қалалық, ауылдық орта мектеп оқушыларымен, колледж студенттерімен, Ардагерлер үйіне келушілермен тақырыптық кештер, ойындар, тренинг-сабақтар, дөңгелек үстелдер, кітап көрмелері ұйымдастырылады. Өткізілген шаралар туралы ақпарат аудандық кітапхананың әлеуметтік парақшаларында жарияланып отырады, — дейді Мұғалжар аудандық орталықтандырылған кітапхана жүйесінің директоры Әлия Салқымбаева.
Нұрғаным КЕСІКҚҰЛ,
Мұғалжар ауданы.