Талдау және бақылау
Жемқорлыққа жол жоқ
Мұғалжар аудандық орталық ауруханасында сыбайлас жемқорлықпен күрес мәселелері жөнінде кеңес өтті.
Департаменттің №3 медициналық-сараптама бөлімінің мамандары аудан дәрігерлеріне сыбайлас жемқорлыққа қарсы іс-қимыл мен мемлекеттік қызмет мәселелері бойынша Қазақстан Республикасының заңнамасына енгізілген өзгерістер мен толықтырулар туралы, сонымен қатар мемлекеттік қызмет көрсету мәселесі бойынша жан-жақты түсіндірді.
Сондай-ақ, кеңестің күн тәртібінде медициналық-әлеуметтік сараптама қызметінде сыбайлас жемқорлыққа қарсы іс-қимыл шаралары сөз болды.
Отырыста Мұғалжар аудандық орталық ауруханасының бас дәрігері К.Әбішев өз сөзінде сыбайлас жемқорлық қылмыстарының және құқықбұзушылықтардың себептерін болғызбау керектігін айтты.
Департаменттің №3 медициналық-сараптама бөлімі басшылығы тарапынан аудандық аурухананың бас дәрігеріне сыбайлас жемқорлыққа қарсы күрес тиімділігін арттыру мақсатында мемлекеттік мекеме қызметтерінде жемқорлық тәуекелдеріне ішкі талдау жүргізу мониторингі бойынша сыбайластыққа қарсы іс-қимыл жөніндегі іс-шараларды жеке бақылауға алу қажеттігі тапсырылды.
Алдағы уақытта медициналық-сараптама бөлімі және Мұғалжар аудандық орталық аурухана қызметкерлері бірлесіп, сыбайлас жемқорлық көріністерін болдырмау және оның алдын алуға бағытталған қосымша кешенді шаралар қабылдауға шешім шығарды.
Р.НЕТАЛИНА,
Еңбек, әлеуметтік қорғау және көші-қон комитеті
Ақтөбе облысы бойынша департаменті
№3 медициналық-әлеуметтік сараптама
бөлімінің басшысы.