Дүбірлі доданың деректері
УЕФА-ның сараптаушылар тобы 11 шілде күні турнирдің символикалық құрамын анықтады.
Қақпашы: Руй Патрисиу (Португалия);
Қорғаушылар: Джошуа Киммих, Жером Боатенг ( екеуі де — Германия), Пепе, Рафаэль Геррейро (екеуі де — Португалия);
Жартылай қорғаушылар: Тони Кроос (Германия), Джо Аллен, Аарон Рэмси (екеуі де — Уэльс);
Шабуылшылар: Антуан Гризманн (Франция), Димитри Пайе (Франция), Криштиану Роналду (Португалия).
* * *
Чемпионаттың үздік футболшысы — Антуан Гризманн. Ол 7 кездесуде 6 гол соғып, 2 рет нәтижелі пас берді. Ол турнирдің «Алтын бутсысына» лайық деп табылды.
* * *
Чемпионатта барлығы 51 кездесу өткізіліп, 108 гол (оның 8-і пенальтиден) соғылды.
Әр кездесуде орта есеппен 2,12 гол соғылды.
Ең үздік сұрмерген: Антуан Гризманн, 6 гол.
Ең нәтижелі кездесу: Франция-Исландия — 5:2.
Ең көп гол соққан құрама: Франция, 13 гол.
Еш гол соқпаған құрама: Украина.
Ең ірі есеп: Венгрия-Бельгия — 0:4.
Чемпионат барысында барлығы 11 пенальти белгіленіп, оның 8-і қақпаға енгізілді.
* * *
Ең үздік сұрмерген Антуан Гризманн (Франция) 6 гол соқты.
3 голдан соққандар: Альваро Мората (Испания), Оливье Жиру және Димитри Пайе (екеуі де — Франция), Гарет Бэйл (Уэльс), Криштиану Роналду және Нани (екеуі де — Португалия).
* * *
Биыл Еуропа чемпионатының финалдық кезеңіне алғаш рет 24 ұлттық құрама қатысты. 1996 жылдан бері бұл додаға 16 құрама қатысып жүрген болатын.
* * *
Финалдық кезеңге қатысқан 24 команданың әрқайсысына 8 млн евро берілді.
Қосымша төлемдер:
Топтық кезеңде тең есеппен ойнағаны үшін — 500 мың евро;
Топтық кезеңде жеңіске жеткені үшін — 1 млн евро;
1/8 финалға шыққаны үшін — 1,5 млн евро;
Ширек финалға шыққаны үшін — 2,5 млн евро;
Жартылай финалға шыққаны үшін — 4 млн евро;
Жүлдегерлер — 5 млн евро;
Жеңімпаз — 8 млн евро.
Осылайша Португалия футбол федерациясы 25,5 млн евро алса, Францияға 23,5 млн евро тиесілі болды. Ежелгі көршіміз Ресей 8,5 млн евромен қанағаттанды (қатысқаны үшін — 8 млн евро, Англиямен тең ойнағаны үшін— 0,5 млн евро).
* * *
Биылғы жарысқа алғаш рет қатысқан 5 команданың төртеуі (Уэльс, Солтүстік Ирландия, Исландия, Словакия) топтық кезеңнен шығып, 1/8 финалда күш сынасты.
Исландия ширек финалға жетті.
Уэлс жартылай финалда тоқтады.
* * *
Бұл турнирде 3 гол соққан Криштиану Роналду бұған дейін 9 голмен Еуропа чемпионаттарының бас мергені болып келген Мишель Платиниді қуып жетті. Бұл жетістікке Роналду төрт чемпионатта қол жеткізді.
* * *
Чемпионаттың ең жас ойыншысы — португалиялық жартылай қорғаушы Ренату Саншеш. 1997 жылы 18 тамызда дүниеге келген ол бұл турнирде 6 ойынға қатысып, 1 гол соқты.
* * *
Чемпиондар:
1960 — КСРО
1964 — Испания
1968 — Италия
1972 — ФРГ
1976 — Чехословакия
1980 — ФРГ
1984 — Франция
1988 — Нидерланды
1992 — Дания
1996 — Германия
2000 — Франция
2004 — Грекия
2008 — Испания
2012 — Испания
2016 — Португалия
Осылайша Германия мен Испания үш реттен, ал Франция екі рет Еуропа чемпионы атанды.
* * *
2020 жылғы Еуропа чемпионатының финалдық кезеңі Еуропаның 13 қаласында өткізілетін болады:
Бильбао, Будапешт, Брюссель, Глазго, Копенгаген, Бухарест, Амстердам, Дублин, Мюнхен, Баку, Санкт-Петербург, Рим, Лондон.
Жартылай финалдық ойындар мен финалдық кездесу Лондондағы 90 652 адамдық «Уэмбли» стадионында өткізілмекші.
Әзірлеген Ертай АШЫҚБАЕВ.
