Үздік команда анықталды

Ақтөбе қаласындағы мектептердің  арасында футболдан «Нұр Отан» ХДП қалалық филиалының кубогіне арналған жарыс өтті. №38 мектепте аталған жарыстың қорытындысы бойынша жеңімпаз командалар марапатталды. Бірінші орынды №19 мектеп ұтып алса, екінші орынға №20 мектеп, ал үшінші орынға №51 гимназия қол жеткізді. Бас төреші Қанат Сапаровтың айтуынша, жарысқа қатысқан 31 команданың барлығы өз шеберліктерін көрсеткен. Ал партия өкілі Манас Ершіге бұндай жарыстар алдағы уақытта да ұйымдастырылатынын айтты.

Кәмшат ҚОПАЕВА