Қауіпті аймақтар тексерілді
Біздің облыс су басу қаупі жоғары аумақтар тізімінде тұр. Жыл сайын наурыз айының соңында ауылдарғаерігенқарсуынанкелерқауіпкөп. Бүгінгі таңда жағдай бақылауда, ахуал тұрақты, Tasqyn ақпараттық жүйесін пайдалану арқылы тұрақты түрде мониторинг жүргізілуде.
Күні кеше Вице-премьер Қанат Бозымбаев өңірге келді, Tasqyn жүйесінің болжамды деректерін талдап, өзендер мен сай-саладағы су деңгейін нақты уақыт режимінде бақылап отырған ахуалдықорталыққа барды, сондай-ақшұғылотырысөткізді.
Кеше Қанат Бозымбаев Қобда ауданында болып, содан кейін Ойыл, Темір, Байғанин, Мұғалжар және Алға аудандарының аумағын әуеден қарады, елді мекендерді су тасқынынан қорғауды қамтамасыз ететін негізгі нысандарды тексерді.
Премьер-Министрдің орынбасары Қобда, Ойыл аудандарындағы қорғаныс бөгеттерін, Ойыл ауылындағы өзен арқылы өтетін көпірдікөрді. Темір ауданында «Бабатай» қысымсыз су бұру бөгетіне аэровизуалды тексеру жүргізді. Байғанин ауданы бойынша Еңбекші және Шұбаршы ауылдарында қорғаныс бөгеттерінің құрылысын, сондай-ақ Шұбарқұдық ауылында еріген қар суын бұру арналарының құрылысын тексеріп шықты.
Жем өзенінің бойындағы қорғаныс құрылыстарының жағдайына ерекше назар аударылды. Байғанин ауданында вице-премьер өзен сағасын аралап көрді. Жаңатаң ауылында 1,2 шақырымды құрайтын қорғаныс бөгеті нығайтылып, арналар кеңейтілді, мұз кептелісі ашылды.
Мұғалжар ауданында Tasqyn ақпараттық жүйесінің деректеріне сәйкес тәуекел аймағындағы елді мекендер тексерілді. Жем өзенінің бойында Жағабұлақ ауылынан 3,3 шақырым және оңтүстік-батысқа қарай 1 шақырымдық қорғаныс бөгеттері салынды. Сағашилі ауылында 2 шақырымдық қорғаныс бөгеті бар, ауылішілік және аудандық маңызы бар автомобиль жолдарындағы арықтар мен суағар құбырлары толығымен тазартылды.
Облыс аумағын бағамдау барысында вице-премьер Ақтөбе қаласының батыс бөлігін су тасқынынан қорғайтын Сазды су қоймасының салаларын қарап шықты.
Қарғалы және Ақтөбе су қоймаларының жайын әуеден бақылап көрді. Бірінші нысан қайта жаңартуға әзірлік үстінде, ал екіншісі толығымен жөндеуден өтті.
Облыста су тасқынына бейім 58 елді мекен ерекше бақылауға алынды. Сондай-ақ 206 су шаруашылығы құрылымы қатаң бақылауда.
Облыс әкімі Асхат Шахаровтың айтуынша, жағалауларды нығайту, өзен арналарын тереңдету және тазарту жұмыстары жүргізілді (45 шақырым). 38,7 шақырым жаңа қорғаныс бөгеттері тұрғызылды, 32 шақырым қолданыстағы бөгеттер жөнделді, 19 гидротехникалық құрылыстар салынды, 155 су өткізу құрылымдары мен құбырлар орнатылды және жөнделді, 150 шақырымнан астам арықтар мен суағарлар тазартылды.
Өңірдің азаматтық қорғау қызметтері жоғары дайындық режиміне ауыстырылды. Бұл — 3 625 адам, 1 122 бірлік техника, 103 бірлік жүзу құралы. Өңірде Алматы және Қызылорда облыстарының күштері мен құралдары жұмыс істеуде. Ойыл өзенінің паромдық өткелін қамтамасыз ету үшін Қорғаныс министрлігінің инженерлік-саперлік бригадасының қызметкерлері аймаққа жетті.
Халық қауіпсіздігін қамтамасыз ету және елді мекендерді, инфрақұрылымды, ауыл шаруашылығы алқаптарын су басу қаупін азайту мақсатында Қанат Бозымбаев өңір әкімдігі мен Төтенше жағдайлар министрлігіне су тасқыны жағдайына тәулік бойы мониторинг жүргізуді, өзендердегі су деңгейін бақылауды, су қоймаларынан су жіберуді реттеуді ерекше қадалағауда ұстауды тапсырды.
А.ІЛИЯСҚЫЗЫ.
