Жайлы пәтерге қол жеткіздім
Ақжол ТАЛМЫРЗАЕВ, Ақтөбе қаласындағы жедел жәрдем қызметінде дәрігер:
— «AQTOBE JASTARY» тұрғын үй бағдарламасы арқылы жаңа пәтерге қол жеткізгеніме көп уақыт болған жоқ. Елімізде, оның ішінде өңірімізде үй алу үшін жастарға арналған мұндай бағдарламаның жүзеге асырылып жатқанын Ақтөбе қаласы әкімдігінің инстаграм әлеуметтік парақшасында жүктелген жарнамадан білдім. Онда баспана алудың шарттары мен қажетті құжаттар тізімі жарияланған екен. Жас ерекшелігім, тұрақты жұмыс орным және басқа да бағдарлама талаптарына толық сәйкес келгендіктен, тәуекелге бел буып, қажетті құжаттарды тапсырған болатынмын. Ақтөбе қаласындағы жедел жәрдем қызметінде жұмыс істеп жатқаныма үш жылдан асты. Отбасым, балаларым бар. Конкурстан өтіп, бүгінде қаланың «Алтын Орда» шағын ауданынан 3 бөлмелі пәтерге қол жеткіздім.
Бұл — мен сияқты жастардың баспаналы болуына арналған өте тиімді бағдарлама. Осындай мемлекеттік қолдауға ие болғаныма өте қуаныштымын.
