Шахмат пен дойбыдан жарыс өтті

Қарттар күні

Т.Жүргенов ауылындағы Мәдениет үйінде аудан әкімдігі, мәдениет, тілдерді дамыту, денешынықтыру және спорт бөлімі мен аудандық ардагерлер кеңесі Қарттар күніне орай ардагерлер арасында шахматтан және дойбыдан жарыс ұйымдастырды.

Сайысқа жиналған  ардагерлерді аудан әкімінің орынбасары Мақсат Орынбасар және ардагерлер кеңесінің төрағасы Ақансері Ермағамбет құттықтап жақсы тілегін білдірді.  Жарыс нәтижесінде шахматтан Ш. Афдятунов, Ә.Ақмұрзин, К.Алдамжаров, дойбыдан К.Аманқос, М.Сүлейменов, А.Айдаубаев жеңімпаздар қатарынан көрініп, оларға сыйлықтар табыс етілді.

Жарыстан кейін кәсіпкер Қуат Нұрабаев «Ерден» кафесінен ардагерлерге дастарқан жайып, құрмет көрсетті. Ардагерлер өздеріне жасалған ықыласқа алғыстарын айтты.

Дулат АМАНЖОЛОВ,

Әйтеке би ауданы.