Мекеме қызметкерлері сайысқа түсті

Облысымызда мәдениет және спорт мекемелері қызметкерлерінің шаңғы жарысы өтті. Аталмыш шарада аймақтағы 18 мекемеден 100-ден аса әуесқой спортшы  бақ сынады.

Облыстық мәдениет, спорт, туризм және ақпарат қызметкерлері кәсіподағының ұйымы бұл сайысты жыл сайын дәстүрлі түрде өткізіп келеді.

Ұйымдастырушылар алқасы және спорт ардагерлері қатысушыларға сәттілік тілеп, қолдап келген жанкүйерлерге көтеріңкі көңіл күй мен алғысын білдірді.

Шараның өтуіне белсенді атсалысқан спортшылар «нағыз қысқы спорт мерекесіне» куә болғандарын айтып, ұйымдастырушылардың еңбегіне жоғары баға берді.

Жарыс қорытындысында жеңімпаз бен жүлдегерлерге кәсіподақ ұйымының тарапынан Алғыс хат пен бағалы сыйлықтар табысталды.

 Өз тілшіміз.