Облыстық перинаталдық орталықта жатыр мойны обырының алдын алуға арналған Ашық есік күні өтті. Дәрігерлер қабылдауға келген қыз-келіншектерді тегін қарады.
Орталықтың кеңес беру және диагностикалық бөлімінің меңгерушісі, дәрігер Айгүл Жәлелдің айтуынша, кейінгі кезде қатерлі ісік жас қыз-келіншектердің де арасында жиі кездеседі.
— Көп жағдайда ісік вирустардың әсерінен пайда болады. Әйелдер мүмкіндігінше жас кезінен бастап дәрігерге қаралып тұрғаны жөн. Ауруды неғұрлым ерте анықтасақ, соғұрлым ем нәтижелі болады, — деді дәрігер.
Былтырғы жылы орталықа 3204 адам қаралған. Оның 63 пайызы әртүрлі аурумен ауырса, 58 пайызы — ауылдық жерде тұратын әйелдер. 461 науқас емделген.
Ашық есік күні 26 адам келді.
Жайнагүл КӨШКЕНОВА,
Қ.Жұбанов атындағы Ақтөбе өңірлік мемлекеттік университетінің студенті.
