«Бұл менің азаматтық парызым»
Аида Кадын Қ.Жұбанов атындағы Ақтөбе өңірлік университетінің базасында Heriot-Watt университетінде оқып жатыр. Ол №540 сайлау учаскесінде дауыс берді.
Он сегізге биылғы маусым айында толған ол «мұнай инженериясы және энергоменеджмент» мамандығы бойынша білім алып жүргенін айтты.
— Қазақстан Конституциясына сәйкес он сегізге толған әрбір жас осындай мәселелерде өзінің қалауын білдіруге құқылы екенін жақсы білемін, сондықтан да өз ұстанымымды таныту үшін сайлау учаскесіне ерте келдім. Бұл менің ерік-жігерімнің көрінісі ғана емес, сондай-ақ азаматтық парызым екенін де жақсы түсінемін, сондықтан да сайлау науқанына саналы түрде қатысқым келді, — деді. Біз оның мүлтіксіз қазақ тілінде сөйлегеніне ырза болдық.
Өзінің қатарластары секілді Аида да сыйлыққа ие болды. Учаске төрағасы Нұрболат Ізтілеу оған белсенділігі үшін алғыс айтты.
Алсу МЕҢДІБАЕВА.