50 курсант алғаш рет дауыс берді

Әуе Қорғаныс күштері әскери институтының курсанттары Ақтөбе қаласындағы №1 орта мектеп ғимаратында орналасқан №72 референдум учаскесінде дауыс берді.
Курсанттар арасында 50 жас биыл бірінші рет дауыс беріп отыр.
Осындай курсанттардың бірі Ару Шаукебай ел дамуына үлес қосқанына қуанышты.
— Біздің дауысымыз – бұл ел болашағына деген сенім мен үміттің көрінісі. Әрбір азаматтың шешімі Қазақстанның тұрақты дамуына әсер етеді. Мен үшін бұл — үлкен жауапкершілік, – дейді Ару.

Өз тілшіміз.