Жанармай құю бекеті ашылды
Байғанин ауданында «Qazaq Oil» жанармай құю бекеті ашылды.
Ел игілігі үшін пайдалануға берілген нысанның ашылу салтанатына аудан әкімі Айбек Көпенов қатысты.
— Аудан орталығы үлкен жолдың бойында орналасқан. Сол себепті мұнда халыққа қызмет көрсету орындарының көбірек ашылғаны маңызды. Бұл халықтың әл-ауқатының артуына, жұмыссыздық деңгейінің төмендеуіне де септігін тигізеді, — деп Айбек Көпенов шараға жиналған жұртшылықты жаңа бекеттің ашылуымен құттықтады.
Халықаралық маңызға ие Ақтөбе-Астрахань тасжолы бойында орналасқан жанармай бекетінің жалпы аумағы — 1 гектар.
— Біздің мақсат — аудан тұрғындары мен жолаушыларды сапалы жанармаймен қамтамасыз ету. Жобаның жалпы құны — 350 миллион теңге, — дейді жеке кәсіпкерАсылбек Жалғасбаев. Ол мұнда 12адамды жұмыспен қамтып отыр.
Гүлжан БАЗЫЛҚЫЗЫ.