Бұлақты мектебі жаңарады

Егіндібұлақ ауылдық округіндегі Бұлақты негізгі мектебіне күрделі жөндеу жұмыстары басталды.

Бұрын ауыл кеңсесі болған ғимарат 1970 жылы Бұлақты негізгі мектебіне берілген болатын. Мектепке содан бері күрделі жөндеу жүргізілмепті.

Жөндеу жұмыстарына жауапты мердігер мекеме — «Техно.С» жауапкершілігі шектеулі серіктестігі қазіргі таңда мектептің қабырғасынан басқасының бәрін — есік-терезелерін, шатырын ауыстырып, жаңалап жатыр.

Бұлақты негізгі мектебінің директоры Нығметолла Сатаевтың айтуынша, 51 оқушысы бар мектептің күрделі жөндеу жұмыстары жаңа оқу жылына дейін аяқталады деп жоспарланған.

Айнұр ІЛИЯСҚЫЗЫ,

Мұғалжар ауданы.