Әлеумет
Сенім телефоны іске қосылды
«Азаматтарға арналған үкімет» Ақтөбе облыстық филиалы сенім телефонын іске қосты. Бұл туралы «Азаматтарға арналған үкімет» мемлекеттік корпорациясының Ақтөбе облысы бойынша филиалының PR-менеджері Сәуле Хамидолла айтты.
— Енді өңір тұрғындары 8777 770 23 33 байланыс нөміріне хабарласып, мемлекеттік қызметтерді алуға қатысты өтінішін немесе қызметтің сапасына қатысты шағымын білдіре алады. Азаматтардан қоңыраулар дүйсенбіден жұмаға дейін, сағат 09.00-ден 18.00-ге дейін қабылданады, — дейді Сәуле Нұрболқызы.
Сондай-ақ филиал басшылығымен байланысуға тағы бір мүмкіндік жасалды. Ол үшін ақтөбеліктер ұялы телефон арқылы QR-кодты пайдаланып, филиал қызметкерлерінің Facebook-тегі парақшасына өтіп, сол жерде сұрағын қоя алады.
Айнұр ІЛИЯСҚЫЗЫ.