Жұрынның  жолдары жөнделіп жатыр

Жұрын ауылында үш көшенің жолы жөнделіп жатыр. Сондай-ақ осы ауылдағы Қ.Жұбанов атындағы орта мектепте «Жұмыспен қамтудың жол картасы» бағдарламасы аясында күрделі жөндеу жұмыстары жүргізілуде.

Мұғалжар аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінің басшысы Талғат Қойшекеновтің айтуынша, Жұрын ауылында ұзындығы 800 метр Желтоқсан, 1 километр 700 метрлік Батпенов, 1 километрлік Бөкенбаев көшелері асфальттанатын болды. Жолдарды «ГОАР», «Пегас мұнай» жауапкершілігі шектеулі серіктестері жөндеп жатыр. Жөндеу жұмыстарының сапалы орындалуын жергілікті қоғамдастықтың мүшелері, ауылдық округ əкімі, мердігерлер бірлесіп қадағалайтын болады.

Сондай-ақ Қ.Жұбанов атындағы орта мектепке 498,8 тонна көмір түсіріліп, «КВУ-3» деп аталатын екі жылу қазандығы орнатылды. Ал мектептің күрделі жөндеу жұмыстарына 21 адам тартылған. Оның 14-і — жұрындықтар. Жөндеу жұмыстары тамыз айының аяғында толық аяқталады деп күтілуде. Жаңа оқу жылында Қ.Жұбанов атындағы орта мектепте 260 оқушы білім алатын болады.

Жандос АЙТЖАН,

Мұғалжар аудандық ішкі саясат бөлімінің маманы.