Екпе — тиімді әдіс
Ақтөбе қаласындағы №18 орта мектепте «Баланы аурудан қорғаудың ең тиімді әдісі — екпе!» тақырыбында ата-аналармен кездесу өтті.
Жиынға ҚР ардагерлер қоғамдық бірлестігінің Ақтөбе қаласы бойынша төрағасы Ахат Мырзалин, Ақтөбе қалалық ішкі саясат бөлімі басшысының орынбасары Нұрғиса Пұсырманов, «Аңсар» ақпараттық-талдау орталығының теологы Мәди Орынбай қатысты. Сондай-ақ қаладағы №5 емханадан дәрігерлер келді.
Кездесуде екпенің бала денсаулығына әсері айтылды. Оның ішінде жұқпалы аурулардың алдын алуда пайдасы жан-жақты түсіндірілді.
— Мақсат — ата-аналар арасында екпенің пайдасын кеңінен насихаттау. Осы орайда қалалық ішкі саясат бөлімі тарапынан арнайы шаралар ұйымдастырылып жатыр. Алдағы уақытта қаладағы бірқатар мектептерде осындай кездесулер өтеді, — деді Нұрғиса Пұсырманов.
Жиын барсында ата-аналар тарапынан сұрақтар қойылды.
К.ҚОПАЕВА.