Өлмейтін шығарма

Оқырман бенефисі

Көрнекті қазақ жазушысы Әзілхан Нұршайықовтың «Махаббат, қызық мол жылдар» кітабының жарық көргеніне — 55 жыл. Осыған орай Пригород тұрғын үй алабындағы №9 модельді кітапхана №65 жалпы білім беретін орта мектеп кітапханасымен бірлесе «Сезімге сапар шегейік» оқырман бенефисін өткізді.

Шарада жазушының шығармасы туралы ой бөлісіп, сұрақ-жауап ойындары ұйымдастырылды. Үлкен экранда алдын ала жүргізілген қысқаша сауалнама бейнеролигі көрсетіліп, махаббат тақырыбындағы өлеңдер оқылды.

Мұндағы мақсат — қазақ шығармаларын насихаттап, жастарымыздың бойына мейірімділік пен адамгершілік сезімдерін қалыптастыру.

Ән мен жыр айтылған кеш жиналғандарға айрықша әсер қалдырды.

Ләйла ЛЕСОВА,

кітапханашы.