Көңілді кеш

Әйтеке би ауданы Т.Жүргенов ауылында «JASTAR SHOW» кеші өтті. Іс-шараны аудандық жастар ресурстық орталығы  ұйымдастырды.

Өзгеше форматтағы іс-шараға қатысқан жастар екі командаға бөлініп, сайысқа түсті. Бес турдан тұратын жарыста әр команда өз өнерлерін ортаға салды.

— Бұндай кешті апта сайын ұйымдастырып жүрміз. Мақсат — аудан жастарының бос уақытын тиімді пайдалану, олардың интеллектуалдық, шығармашылық қабілеттерін ашу, өзара тәжірибе алмасу. Осындай кештерде жастар бір-бірімен араласып, ойларын ашық айтуды үйренеді. Қоғамдық іс-шараларға белсене қатысады. Орталыққа хабарласып, интеллектуалдық сайыстарға қатысамыз деген жастарға есік ашық, — деді аудандық жастар ресурстық орталығының басшысы Ахмет Жұмабаев.

Командалық сайыстың соңында кофе-брейк ұйымдастырылды. Жастар сайыстан алған әсерлерін бөлісті.

К.ҚОПАЕВА.