Өзбекстанмен ынтымақтастық артады
М.Оспанов атындағы Батыс Қазақстан медицина университеті Ташкент мемлекеттік стоматологиялық институтының делегациясын қабылдады. Қонақтар өздерінің білім беру бағдарламалары мен академиялық және ғылым салаларындағы жетістіктерін таныстырды.
Кездесуде стоматология бағыттары бойынша білім беру бағдарламалары, оқу жоспарлары егжей-тегжейлі қаралды.Екі оқу орны арасындағы ынтымақтастық меморандумы бар. Осы жиында меморандум шеңберінде атқарылатын жұмыстар пысықталып, ынтымақтастықты тереңдету мәселесі де сөз болды.
Екі тарап өкілдері Қазақстан мен Өзбекстанда медициналық білім беруді дамыту үшін ынтымақтастықтың маңыздылығын атап өтті. Екіжақты қарым-қатынас студенттер мен оқытушыларға жаңа мүмкіндіктерге жол ашылады.
Ташкенттен келген өкілдер кездесудің жоғары деңгейде ұйымдастырылғанын айтып, алғыстарын білдірді.
Кәмшат ҚОПАЕВА.
