Мереке
Ақтөбе облысының әкімі Асхат Шахаровтың бұқаралық ақпарат құралдары қызметкерлерінің күнімен құттықтауы
Құрметті журналистер қауымы!
Сіздерді кәсіби мереке Бұқаралық ақпарат құралдары қызметкерлері күнімен шын жүректен құттықтаймын!
Журналистика саласы, бұл жұмыс кәсібилік пен білімділікті қана емес, сонымен қатар батылдық пен табандылықты талап етеді.
Сіздер маңызды тақырыптарды көтеріп, өткір мәселелерді жарыққа шығарасыздар, қоғамның көкейкесті мәселелеріне назар аударасыздар. Сіздердің еңбектеріңіз қоғам үшін аса маңызды, өйткені халыққа, бізге уақытылы және объективті ақпарат жеткізесіздер. Күні кеше Мемлекет басшысы Қасым-Жомарт Тоқаев «Масс-медиа туралы» заңға қол қойды. Бұл заң бұқаралық ақпарат құралдары қызметкерлері үшін үлкен мүмкіндікке жол ашады, мемлекет, қоғам және БАҚ арасындағы қарым-қатынастарды жаңа деңгейге көтереді.
Сіздерге шығармашылық шабыт, қызықты тақырыптар мен сәтті репортаждар тілеймін. Ақпарат аламанында алтын арқалап жүрген Өздеріңіздің әр күндеріңіз жетістіктерге толы болсын!
