Бабамнан қалған мұра

Ұлттық домбыра күніне орай облыстық тарихи-өлкетану музейінде «Тарт күйіңді, домбыра!» атты танымдық шара өтті.

Мерекелік шараға рухани төл өнерімізді жалғастырып келе жатқан Демеу Жолымбетов, Өмірхан Жетесов, «Әдеп» тобы, «Жеті өнер» шығармашылық орталығының өнерпаздары, Ғ.Жұбанова атындағы облыстық филармонияға қарасты «Аққу» би ансамбльдері және т.б. белгілі өнер майталмандары қатысып, дана халқымыздың дәстүрлі ән-жырын және күйлерді паш етіп, қолөнер шебері Ерқосай Әбілов домбыраның жасалу жолы туралы әңгімеледі.

Сондай-ақ көпшілік назарына музей қорындағы ұлттық аспаптардан жасақталған «Асыл мұра» көрмесі таныстырылды.

Айәли АЙБЕК.