Ашық аспан астындағы музей

Экскурсия

Қарғалы ауданының көрікті жерлерінің бірі Қасқыр сарқырамасында халықаралық музей күніне арналған «Ашық аспан астындағы музей» атты аудандық марафон өткізілді.

Аудандық марафон барысында Қарғалы аудандық тарихи-өлкетану музейінің кіші ғылыми қызметкері Қымбат Тасымова Қасқыр сарқырамасынан бастап аудандағы көрікті жерлерге экскурсия жүргізді.

Іс-шара барысында қонақтар мен қатысушыларға «Ашық аспан астындағы музей» көрмесі таныстырылды. Сонымен қатар «Жәдігер жерде қалмасын!» акциясы ұйымдастырылып, үздік зергерлер марапатталды. Ұйымдастырушылар атынан акция қатысушыларына сертификат табысталды.

— Акцияның негізгі мақсаты — Қарғалы ауданының тарихи мұрасын зерделеу, табиғи ескерткіштерді қорғау, сонымен бірге халықтың тұрмыс-тіршілігін сипаттайтын зергерлік бұйымдар мен сирек кітаптарды жинақтау. «Жәдігер жерде қалмасын» жобасы жыл соңына дейін жалғасады. Сондықтан біз аудан тұрғындарын акцияға үлес қосуға шақырамыз, — дейді музей қызметкері Қымбат Тасымова.

Бақыт ИМАШЕВ,

Қарғалы ауданының құрметті азаматы.