Ардагерлерге құрмет

• • Алға

Ауған соғысының ардагерлерінің құрметіне  Алғада «Жас өрен» әскери спорттық-патриоттық ойыны өтті.  Жоғары сынып оқушылары мен колледж студенттері арасында​ ​ұйымдастырылған сайыстың ашылу салтанатына аудан әкімі Н.Ержанов, «Ақтөбе облысы Ауған соғысы ардагерлері ассоциациясы» қоғамдық бірлестігінің төрағасы Марат Қойлыбаев және аудандағы Ауған соғысының ардагерлері қатысты.

Спорттық сайысқа аудандағы мектептерден келген барлығы 7 команда қатысты. Саптық дайындық, сапта жүріп ән айту,​ палатка құрып, ас дайындау, алғашқы медициналық көмек көрсету, кедергілерден өту, граната лақтыру секілді сайыстарда қатысушылар бағын сынап, бабын көрсетті.

Жарыс нәтижесі бойынша №4 Алға орта мектебінің командасы жүлделі І орынға, Қарақұдық орта мектебінің командасы  — екінші, №3 Алға қазақ орта мектебі командасы үшінші орынға ие болды. №4 Алға орта мектебінің алғашқы әскери дайындық пәнінің мұғалімі Серік Ермағанбетовке аудан әкімі Н.Ержановтың Алғыс хаты табысталды.

М.ТӘЖІБЕКОВА,
Алға ауданы.