Тәуелсіздік — ең басты құндылығымыз

Сәния МҰРАТОВА,
Ақтөбе қалалық мәслихатының депутаты,
«Nur Otan» партиясы депутаттық
фракциясының мүшесі.

Қазақстан Республикасының Тұңғыш Президенті – Елбасы Нұрсұлтан Назарбаевтың «Тәуелсіздік тағылымы» мақаласында қазақ халқының болмысы, өркениеті, қазақ елінің тәуелсіздігі туралы ой қозғалған. Еегемен еліміздің сан қатпарлы тарихына шолу жасалып, еркіндікке қол жеткізу жолындағы халқымыздың «тар жол, тайғақ кешу» тағдыры сараланған.
Әр халықтың сан ғасырлық тарихы бар. Ал біздің қазақ халқының тарихы сонау тереңде жатыр. Адам өткен тарихын жақсы білмесе, болашаққа нық қадам баса алмайды деп ойлаймын. Сондықтан да өз ұлтымыздың, өз еліміздің Тәуелсіздігін, әдет-ғұрпын ұмытпай, қастерлей білуіміз керек. Тәуелсіздік күні — бұл жай ғана мереке емес, ол Қазақстанда тұратын барлық халықтардың еңбекқорлығы мен достығының нәтижесі.
Тәуелсіздік жылдарында Қазақстан саясат, экономика, әлеуметтік сала, мәдениет және спорт сияқты түрлі салаларда үлкен жетістіктерге жетті. Мұның бәрі біздің елімізді бүкіл әлемге танымал етті.
«Тәуелсіздіктің отыз жылы ішінде Қазақстан әлемдік өркениеттің алдыңғы қатарына шықты, әлемнің ең дамыған 40 елінің қатарына енді. Осы жылдар ішінде әлемдік ғылым мен мәдениеттің үздік жетістіктерін игерген жаңа ұрпақ қалыптасты. Жаңа Астана салынды. Біздің шекараларымыз шегеленген. Бұл менің ең үлкен жетістігім және ең үлкен бақытым», – деп санайды Елбасы. Ол біздің жаһандық бастамаларымыз әлемдік сын-қатерлер мен қауіптерді көрсететінін атап өтті. Бұл тұрғыда, әрине, рөлдік мысалдар аз емес. Мысалы, Қазақстан ядролық қарудан бас тартқан әлемдегі бірінші мемлекет болып табылады және соғысушы елдерді тырысуға шақыруды тоқтатпайды.
Тәуелсіздік – ең басты құндылығымыз. 30 жыл ішінде тәуелсіз Қазақ елін қалыптастырып, нарықтың қиын өткелектерінен аман өткізіп келеміз. Бұның бәрі Елбасының сарабдал саясаты деп білемін.