Басқарма басшысы тағайындалды
Тағайындау
Облыстық жердің пайдаланылуы мен қорғалуын бақылау жөніндегі басқарма басшысы болып Баянбек Қырықбаев тағайындалды.
Баянбек Қырықбаев М.Өтемісов атындағы Батыс Қазақстан мемлекеттік университетін, Батыс Қазақстан инженерлік-гуманитарлық университетін бітірген.
Еңбек жолын 2003 жылы Батыс Қазақстан облысындағы М.Әуезов атындағы орта мектепте құқықтану пәнінің мұғалімі болып бастаған.
Әр жылдары Батыс Қазақстан облысы Ақжайық ауданының әділет басқармасында жетекші маман, Ақжайық ауданының мемлекеттік санитарлық-эпидемиологиялық қадағалау басқармасында бас маман, Ақтөбе және Батыс Қазақстан облыстарының жер қатынастары басқармаларында бас маман, «Ақтөбе жер ғылыми-өндірістік орталығы» мемлекеттік кәсіпорнында заң, жерге орналастыру құжаттамасын бақылау және мемлекеттік жер кадастры бөлімдерінің басшысы, Ақтөбе облысының әкімі аппаратында ұйымдастыру-тексеру бөлімінің бас инспекторы, Қобда ауданы әкімінің орынбасары болды.
Аталмыш қызметке тағайындалғанға дейін ол Ақтөбе облысының әкімі аппаратының өңірлік даму, ұйымдастыру-бақылау жұмысы бөлімінің басшысы қызметін атқарды.