Дәурен Тілеухан — бас жүлде иегері
Елімізде Ұлы Абайдың 175 жылдығына орай Ақпарат және қоғамдық даму министрлігі, Педагогикалық ғылымдар академиясы мен «Азаматтық бастамалар қолдау орталығының» мұрындық болуымен үлкен жоба өтті. Мақсат — Абай мұраларын және заманауи мәдениет пен журналистиканы кеңінен насихаттау, жас жазушылар мен ақындардың шығармашылық әлеуетін көтеру.
Ауқымды жоба аясында ұйымдастырылған мүшәйра қорытындысында жерлесіміз Дәурен Тілеухан бас жүлдені иеленді.
Мүшәйра 16-29 жастағы ақындар арасында өтті. Қазылар алқасына Қазақстан Жазушылар одағы поэзия кеңесінің төрағасы, Қазақстанның еңбек сіңірген қайраткері Маралтай Райымбекұлы төрағалық етті. Мүшәйрада 51 қатысушы сынға түсті. Ережеге сәйкес үміткерлер еңбегі 6 критерий бойынша бағанды. Нәтижесінде бас жүлдені ақтөбелік ақын Дәурен Тілеухан иеленді. 1-орынды Арман Шеризатов алды. 2-орынды Алпамыс Файзолла, 3-орынды Рысгүл Досжанова еншіледі.
Мұхтар МИРОВ,
жобаның өңір бойынша ұйымдастырушысы,
С.Бәйішев университетінің проректоры,
филология ғылымдарының кандидаты, доцент.