Мәдениет

«Құстың қос қанатындаймыз…»

Отбасы

 «Рухани жаңғыру» бағдарламасы мен Ақтөбе қаласының 150 жылдығы аясында жастар Есмурзиндер халықтық отбасылық ансамблімен кездесті. Облыстық халық шығармашылығы орталығының мұрындық болуымен өткен мәдени-сазды кеш Ақтөбе гуманитарлық  колледжінде ұйымдастырылды.

«Бақытты отбасы» деп аталған шараның мақсаты —  ұлттық құндылықтарды жаңғырту, отбасы мен некенің үлгісін жігіттер-қыздарға насихаттау, жалпы ұлы сезім — махаббаттың қадір-қасиетін ұғындыру.

Кеште төрт баланың ата-анасы Нұржан мен Венера Есмурзиндер өз өнерін  ортаға салып, атадан балаға жалғасып келе жатқан дәстүрлер, отбасы құндылықтары жөнінде пікір алмасты. Сондай-ақ колледж оқушыларының сұрақтарына жауап беріп, отбасындағы береке-бірлік, татулықты қалай сақтап қалуға болады, сол туралы кеңінен әңгімеледі.

— Еліміздің Тұңғыш Президенті Нұрсұлтан Назарбаев өзінің «Болашаққа бағдар: рухани жаңғыру» мақаласында: «Егер жаңғыру елдің ұлттық-рухани тамырынан нәр ала алмаса, ол адасуға бастайды» деп жазған болатын. Соны негізге алып, құндылықтарымыздың басты қағидасының бірі — отбасылық құндылықтарымызды жастар арасында ұлықтауға тырыстық. Өйткені өңірге белгілі Есмурзиндер халықтық отбасылық ансамблі — отбасы дəстүрін, ұлтмәдениетіннасихаттапкележатқанөнерұжымы. Биыл ансамбльдің құрылғанына 16 жыл толып отыр, — дейді облыстық халық шығармашылығы орталығының қызметкері Гүлнар Сейталина.

Кездесуге балаларымен келген өмір мен өнерде қол ұстасқан жұп соңында көрермендермен естелік суретке түсіп, барлығына қай істе болсын, сәттілік тіледі.

Айбек СЕРІКҰЛЫ.

Басқа жаңалықтар

Back to top button