Дәстүрлі күннің бастамасы

Мамандық

Қ.Жұбанов атындағы Ақтөбе өңірлік мемлекеттік университетінде «Жұбанов күні» шарасы өтті.

Мақсат — университет жетістіктерін мектеп оқушылары мен талапкерлерге насихаттап, мамандықтарды таныстыру, жастарды патриоттық сезімге баулу.

Университет алаңында факультеттердің мамандықтар шеруі ұйымдастырылды. Шеру кезінде әр факультеттің мамандықтары таныстырылып, өзіндік ерекшеліктері айтылды.

— «Жұбанов күні» мерекесін дәстүрлі түрде өткізуді жоспарлап отырмыз. Шара барысында үздік оқытушылар, қызметкерлер, студенттердің еңбегі бағаланып, марапатталады. Бүгінгі шара — сол игі істердің бастамасы, — деді университет ректоры Бауыржан Ердембеков.

Шара аясында «Жұбановтың ғажайып әлемі» атты мерекелік концерт өтті. Сондай-ақ, Студенттер сарайының фойесінде университет  факультеттерінің жетістіктері бойынша көрме, «Менің сүйікті университетім» атты суретшілер байқауы, суретшілер мен дизайнерлер көрмесі, боулинг ойынынан сайыс ұйымдастырылды.

Сандуғаш БАЙҒҰЛҚЫЗЫ.

Ақтөбе қаласы.