Ақтөбелік команда — екінші орында!
Чемпионат
30 наурыз-2 сәуір аралығында Қ.Жұбанов атындағы Ақтөбе өңірлік мемлекеттік университетінің спорт кешенінде самбо күресінен ерлер мен әйелдер арасында, сондай-ақ жауынгерлік самбодан ҚР чемпионаты өтті.
Оған еліміздің 14 облысынан, сондай-ақ Астана, Алматы қалаларынан барлығы 400-ден астам спортшы қатысты.
Мақсат — самбо күресін дамыту, оны насихаттау және әскери қызметке шақырылатын спортшыларды дайындау, самбо күресінен үздік спортшыларды анықтау.
Төрт күнге созылған чемпионаттың қорытындысы бойынша 1-орынды Шығыс Қазақстан облысынан келген команда жеңіп алды. Ал 2-орынды Ақтөбе облысының командасы иеленсе, 3-орын қызылордалық спортшыларға бұйырды.
Айта кету керек, ақтөбелік спортшылардың арасында әртүрлі салмақта Ж.Асқанбай, Е.Қуанов, А.Асауұлы 1-орынға ие болып, облыстың абыройын биіктетті.
Данагүл ҚАЗИХАН.