Сыбайлас жемқорлықты әшекерлеушілерді көтермелеу қағидасы

Қазақстан Республикасы Үкіметінің 2015 жылғы 30 желтоқсандағы №1131 қаулысымен сыбайлас жемқорлық құқықбұзушылық фактісі туралы хабарлаған немесе сыбайлас жемқорлыққа қарсы іс-қимылда өзге де жолмен жәрдемдесетін адамдарды көтермелеудің арнайы қағидасы бекітілді.

Сыбайлас жемқорлыққа қарсы іс-қимылда жәрдемдесу:

1) сыбайлас жемқорлық құқықбұзушылық жасау фактісі туралы хабарлауды;

2) сыбайлас жемқорлық құқықбұзушылық жасаған іздеудегі адамның тұрған жері туралы ақпарат беруді;

3) сыбайлас жемқорлық құқықбұзушылықты анықтау, жолын кесу, ашу және тергеу үшін кейіннен маңызы болған өзге де жәрдем беруді қамтиды.

Сыбайлас жемқорлық құқықбұзушылық фактісі туралы хабарлаған немесе сыбайлас жемқорлыққа қарсы іс-қимылда өзге де жолмен жәрдемдескен тұлғаларға біржолғы ақшалай сыйақы түрінде жүзеге асырылатын көтермелеу белгіленді. Сыйақының мөлшері 60-тан 210 мың теңгеге дейін өзгереді:

1) сыбайлас жемқорлық құқықбұзушылықтар туралы әкімшілік істер бойынша — 30 айлық есептік көрсеткіш (бұдан әрі – АЕК);

2) онша ауыр емес сыбайлас жемқорлық қылмыстар туралы қылмыстық істер бойынша — 40 АЕК;

3) ауырлығы орташа сыбайлас жемқорлық қылмыстар туралы қылмыстық істер бойынша — 50 АЕК;

4) ауыр сыбайлас жемқорлық қылмыстар туралы қылмыстық істер бойынша — 70 АЕК;

5) аса ауыр сыбайлас жемқорлық қылмыстар туралы қылмыстық істер бойынша — 100 АЕК.

Қағидаларда грамотамен марапаттау немесе алғыс жариялау арқылы қосымша көтермелеу түрлері көзделген.

Сыбайлас жемқорлыққа қарсы іс-қимыл ұлттық

бюросының (сыбайлас жемқорлыққа қарсы қызмет) 

Ақтөбе облысы бойынша департаменті.

Ақтөбе қаласы, Маресьев көшесі, 93.

Сенім телефоны: 8 (7132) 56-74-10, 8 (7132) 72-82-40.

Call-center 1424

anticorruption.gov.org.kz