Тазалықты сақтау — отақ міндет
Қазіргі таңда қалада құрылыс жұмыстары қарқынды жүріп жатыр. Әсіресе жаңадан бой көтеріп жатқан аудандарда компаниялар тазалыққа салғырт қарайды. Осы ретте санитарлық тазалық нормаларын сақтамайтын құрылыс нысандарын тексеру үшін 5 мобильдік топ құрылды. Құрамында жергілікті полицияның, қалалық сәулет және қала құрылысы бөлімінің, аудандық әкімдіктердің, облыстық мемлекеттік сәулет-құрылыс бақылау басқармасының өкілдері бар. Олар алғашқы жұмысты Алтын Орда шағын ауданынан бастады. Бұл ауданда 35 құрылыс нысаны бар. Көпшілігінде жұмыс істеп жатқан ауыр жүк көліктері дөңгелектеріне жабысқан балшықты құрылыс алаңдарынан қала көшелеріне шығаруда. Ал талап бойынша құрылыс алаңдарында дөңгелектерді жууға арналған эстакадалар болуы керек және алаңның кіреберісіне қиыршық тас төселуге тиіс.
Мониторингтік топтың өкілдері талаптарды құрылыс алаңдарына барып түсіндіруде. Анықталған кемшіліктерді жоймаған жағдайда полиция қоршаулар мен дөңгелектерді жуу пункттері нормаларлық талаптарға сәйкес келмегені үшін әкімшілік хаттама толтырады.
Сонымен қоса қазір полиция балшық дөңгелекпен қала жолдарында жүрген жүк көліктерін тоқтатып, айыппұл салып жатыр.
Кәмшат ҚОПАЕВА.
