«СНПС-Ақтөбемұнайгаз» :жаңа сын-тегеуріндерге дайындық және жоғары нәтижелерге ұмтылыс
2025 жылғы 14 наурызда «СНПС-Ақтөбемұнайгаз» АҚ бас кеңсесінде компанияның 2024 жылғы жұмыс қорытындылары мен ағымдағы жылға арналған міндеттерге арналған жыл сайынғы кеңейтілген кеңес өтті.
Іс-шараға Бас директор Ли Шуфэн, оның орынбасарлары, бөлімшелердің басшылары мен мамандары, сондай-ақ өткен жылы жоғары нәтиже көрсеткен озық мамандар мен өндіріс үздіктері қатысты.
Бас директор Ли Шуфэн 2024 жыл жаһандық экономиканың өсуінің баяулауы, аймақтық қақтығыстар, салалық саясаттың өзгеруі және алапат шығын келтірген жойқын су тасқыны сияқты үлкен қиындықтарға толы болғанын атап өтті.«Осындай қиындықтарға қарамастан, компания ұжымы сын-қатерді жігермен өткеріп, алға қойылған міндеттерді ойдағыдай орындап, кейбіреулерін артығымен жүзеге асырды», – деді ол.
Кеңесте кен барлау қызметі, инновациялық шешімдер, басқару тиімділігін арттыру және шығындарды бақылау мәселелеріне ерекше назар аударылды. Компания CNPC-тіңэкологиялық таза технологияларды енгізу жөніндегі жаһандық бастамаларына сүйене отырып, төмен көміртекті экономика жобаларын белсенді дамытуды жалғастыруда.
Бас директордың орынбасары Чэнь Даю өз баяндамасында корпоративтік активтерді қорғау мен құқықбұзушылықтың алдын алудың маңыздылығын атап өтті.
Сондай-ақ, мұнай-газ өндіру басқармалары басшыларының баяндамалары тыңдалып, технологиялық жаңашылдықтар мен өндірісті одан әрі дамыту жөніндегі міндеттер туралы айтылды.
Іс-шараның салтанатты сәті компанияның озаттары мен үздік қызметкерлерін марапаттау болды, оның ішінде он адам «Жыл қызметкері» атағын иеленді.
Жиынды қорытындылай келе, Ли Шуфэн ұжымға алғысын білдіріп, қызметкерлер назарын жұмыстағы жеке бағдарланған ұстанымдардың маңыздылығына аударып, жаңа міндеттерге сай еңбепк етуге шақырды.
«СНПС-Ақтөбемұнайгаз» АҚ жоғары технологиялық және бәсекеге қабілетті кәсіпорын ретінде позициясын нығайта отырып және қазақстан-қытай энергетикалық әріптестігін дамытумен инновациялар мен тұрақты даму бағытын жалғастыруда.
«СНПС-Ақтөбемұнайгаз» АҚ Бас директорының әкімшілігі
