195 ТОННА ҚАР ШЫҒАРДЫ  

Темір ауданында «Таза Қазақстан» акциясы қыс мезгілінде де жалғасып жатыр.

Аудан орталығы — Шұбарқұдық кентінде «Таза Қазақстан» экологиялық акциясы аясында көшелерді, автомобиль мен жаяу жүргіншілер жолдарын, қоғамдық орындар мен аулаларды, саябақтарды қар-мұздақтардан тазарту, қоқыстарды жинау жұмыстары жүргізілді. Тазалық жұмыстарына коммуналдық қызметкерлермен бірге, белсенді тұрғындар мен волонтерлер, барлығы 35 адам қатысты.

Аудан әкімдігі таратқан мәліметке жүгінсек, экоакция аясында каңтар-ақпан айларында 640 тонна қатты-тұрмыстық қалдық пен 195 тонна қар шығарылды.

Мұнда игі іс елді мекендегі орталық саябақта да атқарылмақ. Басты мақсат —  қоғамдық орындардың тазалығын сақтау және тұрғындарға қолайлы жағдай жасау.

Ерікті жастар қысқы тазалық жұмыстарына жұмылдырылған адамдарға ыстық шай таратып, алғысын алды.

Айәли АЙБЕК.

Темір ауданы.