Облыс әкімінің құттықтауы
Құрметті ханымдар!
Сіздерді көктемнің шуақты мерекесі — 8 наурыз — Халықаралық әйелдер күнімен шын жүректен құттықтаймын!
Көктеммен келген көрікті мерекеде бар жақсы сөзімізді сіздерге арнаймыз. Отбасының қамқоры, қоғамның тірегі, дәстүріміз бен құндылықтарымыздың қайнар көзісіздер. Сіздер мейірімділік, даналық, қамқорлық пен нәзіктігіңіз арқылы мына әлемді де жарқын әрі әдемі етесіздер.
Еселі еңбегімен, ерен ерлігімен танылған әйелдердің есімі тарих жылнамасына мәңгілікке жазылып, жадымызда жатталды.
Биыл біз Кеңес Одағының Батыры, өшпес ерліктің иесі ұлы жерлесіміз Әлия Молдағұлованың туғанына 100 жыл толуын атап өтеміз. Даңқты мерген қыздың өнегесі сан мыңдаған қазақстандықтар үшін үлгі. Ол Отанына деген адалдық пен табандылықтың үлгісі бола білді.
Біздің өлкеміздің арулары әрқашан қиындықтарға мойымайтын, мықтылығымен ерекшеленеді. Аймақтың дамуына сүбелі үлес қоса отырып, жас ұрпақты тәрбиелеуде, білім беру, денсаулық сақтау, бизнес пен мәдениетте де абыройлы қызмет атқарып жүрген нәзік жандылар аз емес. Жұмысшы мамандықтары жылы өңірдің өркендеуі жолында еңбек етіп, негізін қалауда үлес қосып жүрген ақтөбелік қыз-келіншектерге де ерекше құрмет көрсетеміз.
Олар бойынан батылдық пен төзімділікті әрдайым көруге болады, күн сайын біздің аймақтың тұрмысын жақсартуға баға жетпес үлес қосуда. Олардың адалдығы мен кемелдікке ұмтылуы өлкенің тұрақтылығы мен ілгерілеуі үшін берік негіз бола береді.
Құрметті аналар, әпке-қарындастар!
Сіздерге шын жүректен зор денсаулық, отбасылық амандық, бақыт пен жақсылық тілеймін! Әр күніңіз жылуға және жақындарыңыздың сүйіспеншілігіне толы болсын. Мереке құтты болсын, қымбатты әйелдер!
Асхат ШАХАРОВ,
Ақтөбе облысының әкімі.
