Еркін күрестен турнир өтті

Турнир

«Ерен еңбегі үшін» медалінің иегері, еркін күрестен Қазақ ССР спорт шеберлігіне кандидат, ауданның қоғамдық өміріне және қайырымдылық акцияларына белсенді араласқанбелгілі кәсіпкер Аманғали Шиланбайұлы Әзіловті еске алуға арналған облыстық турнир өтті.

2012-2014 жылы туған жасөспірімдер арасында өткен турнир Байғанин аудандық денешынықтыру-сауықтыру кешенінде өткен іс-шараны спортшының туыстары ұйымдастырды. Турнирге көршілес Батыс Қазақстан облысынан, сондай-ақ Ақтөбе қаласының №1 және №4 спорт мектептері мен Алға, Мұғалжар, Темір, Қобда, Ойыл, Қарғалы және Байғанин  аудандарынан әртүрлі салмақта 200 бала қатысты.

Турнирдің ашылу рәсіміне аудан әкімінің орынбасары Әсет Жеткізгенов қатысып, спортшыларға сәттілік тіледі.

А.НҰРБАЕВА,

Байғанин ауданы.