Жаңа радио ашылды

БАҚ

Елімізде ашылған «Аспан FM» радиосы енді Ақтөбеде 107.7 FM толқынында сөйлейтін болады. Әуе толқынында қазақ эстрадасы жұлдыздарының танымал әндері мен шоу бағдарламалары қойылады.

«Аспан FM» радиосы — белгілі әнші Мейрамбек Бесбаевтың төл туындысы. Өнер иесі Ақтөбеде өткен іс-шарада: «Радио ашу, қазақ жұлдыздарының әндерін жаңғырту бұрыннан арманым еді. Сол арманым орындалды», — деп ағынан жарылды.

— Ақтөбе жұртшылығын кішкентай кезімнен білемін. Бұл қалада талай концертіміз өтті. Жаңадан ашылған радио атауын Қалқаман Сарин ұсынған еді. Әуе толқыны 15 қазанда іске қосылды. Енді міне Ақтөбеде «Аспан FM», 107.7 әуе толқыны арқылы тыңдарманға жол тартты. Радио директоры Айман Оразхан осы әуе толқыны арқылы қазақ әндерін насихаттап, көпшіліктің көңілінен шығуды көздейді, — дейді М.Бесбаев.

Думанды іс-шараға елімізге белгілі өнер жұлдыздары арнайы қатысып, әннен шашу шашты.

Ақмарал МҰҚАШЕВА.