Қарттар үйіндегі қуаныш

Ақтөбеде қарттар үйінде мерекеге орай «Қоғамдық келісім» мекемесі концерт ұйымдастырды. Оған «Жомарт жан» орталығының мүшелері,  этномәдени бірлестік өкілдері қатысты. 

«Жомарт жан» орталығының төрағасы, «Глобал-спецодежда» ЖШС өндірістік кооперативінің директоры Надежда Шабаева қарттарды мерекемен құттықтады.

— Жас ұрпақты ізгілік пен мейірбандыққа тәрбиелейтін қарияларымыздың мерекесі құтты болсын! Бұл күн біздің елімізде ерекше атап өтіледі. Еліміздің өсіп-өркендеуіне қосқан еңбектеріңіз өте зор. Мерейлі мерекеде баршаңызға денсаулық пен ұзақ ғұмыр тілеймін, — деді кооператив директоры.

Сондай-ақ орталықтағы 230 қарияға ұйықтар кезде киетін жатын киім сыйлады. Сонымен қатар «Ақтөбе облыстық орыстардың этномәдени бірлестігі», «Отан.KZ» қоғамдық бірлестігі мүшелері әннен шашу шашты. Келген қонақтар ыстық лебізін білдірді.

К.ҚОПАЕВА.