Су тасқыны: мердігер Қобда ауылында салынып жатқан үйлер туралы
Қобда ауданында су тасқынынан зардап шеккен отбасыларға үй салып жатқан мердігер мекемелердің бірі – «СтройАқтөбе» компаниясы.
Компания өкілі Андрей Мумжу Қобда ауылында екі үйдің құрылысына жауапты екенін айтады. Қазіргі уақытта бой көтерген баспаналардың іші сырланып, әктеліп жатыр. Әр бөлмеге электр жарығы тартылып, жуынатын бөлмелердің жабдықтары орнатылуда.
Жалпы, Қобда ауданында салынатын 147 үйдің құрылысымен 15 мердігер айналысуда. Бүгінгі күні 12 үйдің үйдің іргетасы толық құйылды, ал 136 үйдің сыртқы қабырғалары көтеріліп, 129 үйдің төбесі жабылуда. 62 үйдің терезесі салынды. Барлығы 253 адам жұмыс істеп жатыр.
Сондай-ақ, Жарық ауылында 2 мердігер 17 үйдің қабырғасын көтеріп, төбелері жабылды.
Құрылыс нысандарына материалдар уақытылы жеткізіліп отыр. Сыртқы электр, газ және су желілерін жүргізуші мердігер мекемемен де келісімшарт жасалып, жұмыстар басталды.
Үйлердің құрылысы тамыз айында аяқталады деп күтілуде.
