Ұлттық спорт күні

20 наурыз — Ұлттық спорт күні. Бұл күні қала және аудан тұрғындарының қатысуымен түрлі спорттық шаралар өткізуді жоспарлап отырмыз. Атап айтсақ, ат жарыстары, аударыспақ, жамбы ату, теңге ілу, асық ату, тоғызқұмалақ, садақ атудан жарыстар ұйымдастырылады. Ұлттық спорт түрлері мәдени мұраны сақтауға, жас ұрпақтың ұлттық сана-сезімін күшейтуге ықпал етеді. Бұл мереке біз үшін бірліктің символына айналып, әр азаматтың өз елі үшін мақтанып, адами-рухани қасиеттерді дамытуына мүмкіндік береді, — деді облыстық мәдениет, архивтер және құжаттама басқармасының мамандары.