Спорт — денсаулық кепілі
Спартакиада
Кеше Ақтөбе қаласындағы «Денсаулық» паркінде облыстық денсаулық сақтау басқармасының ұйымдастыруымен «Медицина қызметкерлері салауаты өмір салтын таңдайды» атты спартакиаданың ашылуы өтті.
Медицина қызметкерлері күніне орай ұйымдастырылған спартакиадаға емдеу-алдын алу мекемелерінің медицина қызметкерлері қатысты.
Жарысқа емдеу-профилактикалық мекемелері қызметкерлерінен құралған жиырма үш команда қатысып, жеңіл атлетика, тоғызқұмалақ, шахмат, үстел теннисі және арқан тартудан бағын сынайды.
— Спорттың адам өмірінде алатын орны ерекше. Спортпен айналысқан адамның денсаулығы мықты, шымыр болады. Бірінші байлық — денсаулық. Іс-шара мақсаты — дәрігерлердің денсаулығын нығайту, сонымен қатар тұрғындар арасында түсіндірме жұмыстарын жүргізу, — дейді денсаулық сақтау басқармасының бас маманы Айгүл Байбатшаева.
Спартакиада 15 маусымға дейін жалғасады.
Талғат ТІЛЕУЛЕСОВ.