Ауыл

Спорттық алаң ашылды

Темір ауданына қарасты Жақсымай бекетінде спорттық алаң ашылды.

Аталған алаңның құрылыс жұмыстары маусым айында басталған еді. Жоба құны — 8,5 миллион теңге. Мердігер — жеке кәсіпкер Әділбек Батыров.

Алаңға газон салынып, екі бұрышқа қақпа орнатылған. Жан-жағы қоршалған.

Спорттық алаңның ашылуына қатысқан Темір ауданының әкімі Саламат Аманбаев бұның салауатты өмір салтын қалыптастыру мақсатында ашылғанын айта келе, жаңа нысанды тұрғындардың ұқыпты пайдалануына тілектестігін білдірді.

Сондай-ақ жергілікті атқарушы билік өкілдері жауапты мамандарға спортпен шұғылданатындардың санын арттыру мақсатында осында бұқаралық шараларды жиі ұйымдастыруды тапсырды.

Айбек СЕРІКҰЛЫ.

Темір ауданы.

Басқа жаңалықтар

Back to top button