«Алтын сақа» олимпиадасы басталды
26 сәуір күні математика пәні бойынша «Алтын сақа» олимпиадасының республикалық кезеңі басталды.
Шара «Зерделі» ақыл-ой дамыту мектебінің ұйымдастыруымен өткізіліп жатыр.
— Бұл жарыс оқушылардың математикалық білімді меңгере отырып алған білімін тәжірибе жүзінде шыңдауға, сондай-ақ олимпиада резервін қалыптастыруға септігін тигізеді, — дейді облыстық білім басқармасының бөлім басшысы Гүлназ Мырзағалиева.
Білім сайысына облыстық кезеңде жүлдегер болған 5-6 сыныптың 10 оқушысы бақ сынап жатыр. Олардың арасында Ақтөбе қаласының, сондай-ақ Ырғыз, Темір, Мұғалжар аудандарының оқушылары бар.
Оқушылардың орындаған тапсырмалары сканерленіп, республикалық «Алтын сақа» олимпиадасының ұйымдастыру комитетіне жіберіледі. Сайыс қорытындысы 29 сәуір күні жарияланады.
Г.БАЗЫЛҚЫЗЫ.