«Ақтөбе» қара үзіп кетті

Премьер-Лига

24 мамыр, сенбі күні өткен 13-турда «Ақтөбе» сырт алаңда «Спартакпен» кездесті.

Бұған дейінгі үш турда қақпасына 15 гол жіберіп алған, сөйтіп жаңа бас бапкерге ие болған семейліктер намысқа тырысып-ақ бақты. Бірақ 68-минутта айып добын орындаған Маркос Пиззелли «тоғыздықты» тура көздеді. Бұдан соң «Ақтөбе» бекем қорғана білді.

Сөйтіп, «Ақтөбе» қатарынан жетінші рет жеңіске жетті, соның ішінде қатарынан бес тур бойы қақпасына еш гол енгізбеді және ең жақын өкшелесінен 8 ұпай артықшылықпен қара үзіп кетті.

«Спартак»-«Ақтөбе» — 0:1.

Гол авторы: Маркос Пиззелли, 68-минут (0:1).

«Ақтөбе» мына құрамда ойнады: Андрей Сидельников, Алексей Мулдаров, Тарас Царикаев, Дмитрий Мирошниченко, Маркос Пиззелли (Павел Шабалин, 80-минут), Марат Хайруллин, Данило Неко (Асхат Тағыберген, 85-минут), Роберт Арзуманян, Валерий Коробкин, Александр Гейнрих (Игорь Зенькович, 60-минут), Тимур Кападзе.

*   *   *

Басқа кездесулер:

«Қайсар»-«Астана» — 1:0. 

«Ордабасы»-«Қайрат» — 1:0.

«Жетісу»-«Тобыл» — 1:2.

«Атырау»-«Ертіс» — 0:1.

«Шахтер»-«Тараз» — 1:0.

*   *   *

Біздің мергендеріміз:

Марат Хайруллин (жартылай қорғаушы) — 4 доп (1-еуі пенальтиден соғылды); Маркос Пиззелли (жартылай қорғаушы) — 4;

Игорь Зенькович (шабуылшы), Данило Неко (шабуылшы) — 3; Александр Гейнрих (шабуылшы) — 3 (1); Дмитрий Мирошниченко — 2; Юрий Логвиненко (қорғаушы), Павел Шабалин (шабуылшы), Тимур Кападзе (жартылай қорғаушы) — 1; бір допты Сигурни Банджар («Тараз») өз қақпасына соғып алды.

                                              ОЙЫН КЕСТЕСІ

Командалар            О            Ұ             Т        Ж             Д              Ұп

1 Ақтөбе                 13            10          2          1             23-3       32 

2 Қайсар                 13            7            3          3             14-11     24

3 Шахтер                13            7            2          4             19-13     23

4 Астана                   13            6            4          3             15-8       22

5 Қайрат                   13            6            2          5             17-12     20

6 Ордабасы           13            5            3          5             13-13     18

7 Ертіс                      13            5            2          6             17-17     17

8 Атырау                  13            4            5          4             10-11     17

9 Тобыл                    13            4            4         5              12-17     16

10 Жетісу                 13            3            4         6              10-12     13

11 Тараз                  13            3            2         8              10-20     11

12 Спартак               13            0            3         10             7-30       3

*О — ойын, Ұ — ұтыс, Т — тең, Ж — жеңіліс, Д — доп айырмашылығы, Ұп — ұпай.

*   *   *

Ертең, 28 мамыр күні өтетін 14-турда «Ақтөбе» өз алаңында «Атырауды» қабылдайды.

Басқа кездесулер:

«Тараз» — «Астана»
«Қайрат» — «Қайсар»
«Шахтер» — «Спартак»
«Тобыл» — «Ордабасы»
«Ертіс» — «Жетісу»

*   *   *

Р.S. Венгрия ұлттық құрамасымен өткізілетін жолдастық кездесуге қатысуы мүмкін ұлғайтылған кандидаттардың тізімінде 8 ақтөбелік бар: қақпашы Андрей Сидельников, қорғаушылар Юрий Логвиненко, Алексей Мулдаров, Дмитрий Мирошниченко, жартылай қорғаушылар Марат Хайруллин, Павел Шабалин, Валерий Коробкин, Асхат Тағыберген.

Ертай АШЫҚБАЕВ.