Ойылда жастар орталығы ашылды

 Қуаныш

«Туған жерге тағзым» акциясы аясында Ойыл ауылында аудандық жастар ресурстық орталығы ашылды. Аталған нысан облыстық мәслихат депутаты, «Анвар» ЖШС бас директоры Талғат Салфиковтің демеушілігімен салынды.

Жаңа ғимараттың ашылу салтанатында сөз сөйлеген аудан әкімі Асқар Қазыбаев  ауданның өркендеуіне, ғимараттар салынуына сүбелі үлес қосып жүрген атымтай жомарт азамат Талғат Салфиковке өз ризашылығын білдіріп, жастарды жаңа орталықтың ашылуымен құттықтады.

Бұдан кейін ауыл ақсақалы Тыныштыбай Шалабаев бата беріп, жастарға сәттілік тіледі.  Іс-шараға жиналғандар ғимаратты аралап, жастардың өнерін тамашалады.

— Бүгін — біз үшін үлкен қуаныш. Талғат Маратұлының қолдауымен ауданымызда жаңа ғимарат бой көтеріп, пайдалануға беріліп жатыр. Жалынды жастарымыз осы орталықта өнерін шыңдап, ауданымыздың дамуына өз үлесін қосады деген сенімдемін. Барша қолдаушыларға алғысымды айтамын, — деді аудандық жастар ресурстық орталығының басшысы Жангүл Ізғарина.

Д.АЙДАР.