Тапқырлар ойыны

Қарғалыда аудандық кітапханада жастар орталығының ұйымдастыруымен «Syraq Quiz» ойындары өтті. Алдымен аудандық жастар ресурстық орталығының басшысы Мейіржан Жұбан елімізде ұйымдастырылып жатқан «Keńes syilygy» жобасымен қатысушыларды таныстырып, ойыншыларды жастар кеңесінің сыйлығына үміткер ретінде қатысуға шақырды.

Ұлттық, тарихи, мәдени, рухани құндылықтарды жастардың арасында дәріптеу мақсатында ұйымдастырылған сайыста қатысушылар топқа бөлініп, 3 кезең бойынша бақ сынасты.  Ойлылар сайысында аудандық кітапхана әдіскері Қанат Қартбаев қатысушыларға түрлі логикалық сұрақтар қойып, ойынқарқынын қыздыра түсті.

— Аудандық жастар ресурстық орталығызияткерлік ойындардыжиі ұйымдастырып келеді. Осы жолы сайысқа ауыл жастары белсенді қатысты. Жазғы демалысын ұтымды пайдаланып, осындай қызықты сайыстардан қалмай қатысқан ойыншыларға алғысым шексіз, — дейді аудандық жастар ресурстық орталығының басшысы Мейіржан Жұбан.

Сайыс қорытындысы бойынша «Әкімдік жастары» жеңімпаз атанды. Ал жүлделі 2-орынды Бадамша жалпы білім беретін орта мектебінің жастары, 3-орынды аудандық Мәдениет үйінің жастары иеленді.

Жұлдыз КЕНЖЕ,

Қарғалы ауданы.