Ақтөбелік студент Қазақстанның атынан аттанды
-
- Фестиваль
Норвегия елінде ISFiT Халықаралық студенттер фестивалі басталды. Бұл ауқымды шараға еліміздің атынан Қ.Жұбанов атындағы Ақтөбе өңірлік университетінің «Шетел тілі: екі шетел тілі» мамандығы бойынша 4-курс студенті Меруерт Өтембет қатысып жатыр.
ISFiT — екі жылда бір рет өткізілетін барлық мамандықтағы студенттерге арналған әлемдегі ең үлкен тақырыптық студенттер фестивалі. Осы жылы ISFiT командасы 3000 үміткердің ішінен қатысушыларды мұқият іріктеді.
Іріктеуден өтіп, әлемнің түкпір-түкпірінен келген 400-ге жуық студент Норвегияның Тронхейм қаласында кездесіп, бірегей халықаралық тәжірибе жинайды. Екі апта ішінде студенттер диалог алаңдарында жаһандық мәселелерді талқылап, шешімдерін іздейді. Биылғы фестивальдің тақырыбы — «Мәдени және әлеуметтік поляризация». Фестиваль тақырыбы әр жылдары өзгеріп отырғанымен, халықаралық күн тәртібінің әлеуметтік және саяси аспектілерімен тығыз байланысты болады. Фестиваль 19 ақпанға дейін жалғасады.
М.ТАБЫН.