Бірліктің туы жығылмайды

Сессия

Облыс әкімі Оңдасын Оразалиннің төрағалығымен «Жаңарған Қазақстанның тірегі — бірлікте» атты облыстық Қазақстан халқы Ассамблеясының 25-ші сессиясы өтті. Оның жұмысына депутаттар, кәсіпкерлер, облыстық Қазақстан халқы Ассамблеясының мүшелері, этномәдени бірлестіктердің төрағалары, мемлекеттік органдардың өкілдері, қоғамдық келісім кеңесінің, аналар кеңесінің, ақсақалдар кеңесінің мүшелері қатысты.

Сессияның негізгі тақырыбы – Мемлекет басшысының Қазақстан халқы Ассамблеясының 31-ші сессиясында барлық механизмдердің қазақ қоғамында тұрақтылықты сақтауға бағытталған ​ тиімді жұмыс жасауы бойынша қойған тапсырмаларының орындалуы болды.

Оңдасын Оразалин: «Ассамблея төрағасы Қасым-Жомарт Кемелұлы өз сөзінде геосаяси жағдайдың қазір шиеленісіп тұрғанына баса назар аударды. Жаңа міндеттер туындауда. Бұл ретте елдің азаматтық бірегейлігін нығайтып, патриоттық рухты тәрбиелеуге баса назар аударуымыз керек.

Біздің «біз әртүрліміз, бірақ біз біргеміз» деген басты қағидамыз ​ ​ ешқашан өзгермейді. Біз өскелең ұрпақты нағыз патритот етіп тәрбиелеуіміз керек. ​ Азаматтарды кемсітуге, олардың ар–намысы мен қадір–қасиетін қорлауға жол берілмейді. Әрқайсысымыздың пікіріміз әртүрлі, бірақ бізде қоғам мен мемлекет бір. Өз жұмысымызда алдымен осы қағидаларды басшылыққа алуымыз керек», — деп атап өтті.

Сондай-ақ сессияның күн тәртібіне Қазақстан халқы Ассамблеясы мен этномәдени бірлестіктерді әрі қарай дамыту, этносаралық қатынастарға медиацияны қолдану, жастардың бастамаларын дамыту, жастарды жасампаздық және ​ әлеуметтік қызметке араластыру ​ кірген болатын. Облыстық ішкі саясат басқармасының басшысы Ләззат Оразбаева, қоғамдық келісім кеңесінің төрағасы Сергей Вишняк, медиация жөніндегі төраға Светлана Балпейісова жиында баяндама жасады.

Отырыс барысында облыстық Қазақстан халқы Ассамблеясы кеңесі мен облыстық Қазақстан халқы ассамблеясының құрамдарына өзгертулер мен толықтырулар енгізілді.

Облыс әкімінің баспасөз қызметі.