Ақтөбеде балалар кітап фестивалі өтуде

Ақтөбеде балаларды қорғау күні қаланың жас тұрғындары мен қонақтарына арналған ондаған шара өтті. Олардың қатарында Kids book fest – 2022 балалар кітап фестивалі бар. Абай бульварында ашық аспан аясында ұйымдастырылған шараға облыс әкімі Оңдасын Оразалин барды.

Өңір басшысы жиналған балалармен тілдесіп, оларды кітапты көп оқып, өз өздерін дамытуға шақырды.
Фестиваль кезінде сурет салу, мәнерлеп оқу байқаулары болып, ертегі желісімен театрландырылған көріністер қойылды, сонымен қатар келгендер кітап алмасты.
Айта кетейік, Kids book fest Абай бульварында жаз бойы әр жұма сайын сағат 17.00-ден 19.00-ге дейін өтеді.