Киелі жерлерге саяхат
Ел Тәуелсіздігінің 30 жылдығына орай Елбасының «Болашаққа бағдар: рухани жаңғыру» және «Ұлы даланың жеті қыры» бағдарламалық мақалаларын насихаттау мақсатында Ақтөбе қаласындағы М.Дулатұлы атындағы №63 орта мектеп-лицейінің 9-сынып оқушылары Есет батыр кесенесіне саяхат жасады.
Оқушылар Есет Көкіұлының өмір жолымен және ерліктерімен танысып, білімдерін кеңейтті. Батыр бабаның рухына тағзым етіп, ерекше әсермен оралды.
Сондай-ақ мектебіміздің 10-сынып оқушылары тарих пен тағылымға толы күллі түркі-мұсылман халықтарының киелі мекені Түркістан қаласына да саяхат жасап қайтты. Киелі Түркістан қаласының менмұндалаған әсем мешіттері мен кесенелері, тарихи жәдігерлері мен музейлері халқымыздың рухани мұрасының сарқылмас қазынасы екені белгілі. Ежелгі қазақ хандығының астанасы болған Түркістанның пайда болу тарихын оқушыларға дәріптеу, оларды ұлттық салт-дәстүр, әдет-ғұрпымызды құрметтеуге тәрбиелеуде саяхаттың берері мол болды.
А.КУЛБАСОВА,
№63 орта мектеп директорының
тәрбие ісі жөніндегі орынбасары,
Ақтөбе қаласы.